ثقافة إدارة أيام قرطاج السنيمائية تتجاهله: عاطف بن حسين يتوعد وزير الثقافة والحكومة التونسية
أعرب الممثل التونسي عاطف بن حسين عن استيائه من تجاهل إدارة أيام قرطاج السنيمائية له من خلال عدم استدعائه لحضور فعاليات الدورة 25.
وفي تدوينة فايسبوكية ، كتب بن حسين :
" سؤال الى السيد وزير الثقافة والى ادارة أيام قرطاج السينمائية و الى الحكومة التونسية : هل يعقل ان لا أتحصل على إستدعاء لحضور فعاليات أيام قرطاج السينمائية ، ؟ و لماذا ؟؟؟؟؟
و توة باش نحكيوا بالفلاقي ، بالك قالولكم الي انا بدلت المهنة والا مسافر والا عاطف غالي برشة كيما يقولو ديما وين حد يستحقلي ؟؟؟ توة ماكمش باش تحشموا شوية ؟؟ اشنوة تحبونا نعملوا و الا شنوة تحبوا تعملولنا أكثر ملي عملتوه ،،، هاني باش نعلنها قدام العالم لكل مانيش طالب فلوسكم المشبوهة و مانيش طماع كيفكم لانكمو مهما حاولتو تجوعونا كنا ديما نلقاوا الحلول و نحاولو ناقفوا على ساقينا لاننا فنانين و قلوبنا خير منكم و مرتاحين كيف نضحكو و الا نلعبوا !!! و الي يزيد يدمركم انو الناس تحبنا و تقدرنا و تصدقنا ،،،، و انتوما شكونكم و منين جيتوا ؟؟؟؟ و شنوة مشروعكم؟؟؟
و مرة اخرى و بالفلاقي ستنتهي الانتخابات و سوف نرى ...... و لكن لن نسكت !!!
و في النهاية و بالفلاقي الصريح يعطيكم داء على أيامكم و على مهرجانكم !!!
يحيىا السينما رغما عنكم."